Imasaaba Ikhulayi Naabi | Masela Samuel | 2023-05-16 08:33:04
Khuli imasaaba, munzu ya Masaaba
Ibwaama nyanga
Khulukingi Masaaba
Luliisa imwaanyi Arabika
Utyoori umukelama nanunisa umutsweenge
Lukiingi lwonyene khweesi unyoola kamaleha
Tsinyanyi tseesi buli ulimo lulimi luulamu afwilakho
Khuli imasaaba, munzu ya Masaaba
Ibwaama nyanga
Khulukingi Masaaba
Isi umukuuka oba umukuukhu
Itseko yebamasaaba
Alolelela Bamasaaba ni baali imasaaba
Lukoosi lwafeela buli musoonda
Utyoori namufweeli nabwaamila shiifwo
Aleekela khukumisa buhatweela
Khulya nibabaandu, akhali khulya babaandu taa
Khuli imasaaba, munzu ya Masaaba
Ibwaama nyanga
Khulukingi Masaaba
Isi imbalu ili kumusilo
Kumusilo kushuusa basiinde bekila basaani burwa
Nga baama mundi tsa Nabarwa
Kumusilo kukwauula tsindobe ni tsimbisi
Khuli imasaaba, munzu ya Masaaba
Ibwaama nyanga
Khulukingi Masaaba
Isaalikha kadodi, kumwikhoyo kwabuli mutweela
Khaabe Umumasaaba oba taa, umukhwalikhe oba taa, ...
Kumwikhoyo kuukila nibabaafwa
Beyambaasa lwashiina batsya mangu baryo
Yaaya, kadodi akhupa paka numuremere wasisiikha kumurwe
Kale, imasaaba ikhulayi naabi
Comment about "Imasaaba Ikhulayi Naabi " by Masela Samuel
Imasaaba mwanawe imbayo umukukhu uwikhala khushitsolongo I shoo ta
Very interesting keep up
Thank you, Prosscovia, for your compliment. I will definitely do that.
Thank you, Prosscovia, for your compliment. I will definitely do that.
Thank you, Prosscovia, for your compliment. I will definitely do that.
Umukoosi Kamuli, wanyala lwe bubakha bwo. Luliiba lutweela khubeyo numukuukhu. Inga umukuuka wekhaale khushitsolongo, shilomelelo shino (this poem) shikharame nga shikanikha shiiliwo khushiseeela sho.
This is so interesting. I need to be taught how to write such good poems in my language. God bless our dear Lecturer Mr. Masela Samuel, long live. Kododi akhupa paaka wenkila Ni baali imakombe
Ingana khungoonamo sheesi nela mu paap Kamuli. Shili nikhuuba shiri "Inga umukuuka wekhaale khushitsolongo....."
Wawooo, wanyala khurona shilomelo shino . Khasubile ndi bibindi bili munzila .iyongela ni khurona uli umuroni umwene kuka🌹🥂🙏👏.
